Zayniddin Zidan katta futbol bilan xayrlashganiga qaramasdan, Fransiyada 2006-yil uchun eng ko`p pul topgan sportchi bo`lib qolaverdi. Uning yil bo`yi ishlab topgan pullari miqdori 13 million yevroga tengdir. Bu o`tgan yilgi daromadiga nisbatan 1,6 million kamligiga qaramasdan, sportchilar orasida birinchilikni saqlab qolishini ta`minladi. U bu pullarni "Adidas", "Danon", "Audi" kabi yirik firmalarning reklamalarida suratga tushish bilan topmoqda. Undan keyingi o`rinda esa uning sobiq jamoadoshi Tyerri Anri bormoqda. Uning pullari miqdori 12,4 million yevroga tengdir. Uchinchi o`ringa basketbolchi Toni Parker egalik qilmoqda. Uning yillik daromadi 9,8 million yevroni tashkil qiladi. Bu basketbolchi o`tgan yilga nisbatan ikki o`rin yuqoriga ham ko`tarilib oldi. Klod Makalele 7,2 millioni bilan to`rtinchi o`rin, Patrik Vyeyra ham xuddi shuncha miqdordagi pullari bilan beshinchi o`rin sohibiga aylandilar. Qator futbolchilardan keyin oltinchi o`rin tennischiga nasib etdi. Ameli Moresmo 6,8 millioni "yordamida" oltinchi o`ringa egalik qilmoqda. Moresmo faqatgina o`nlikda emas, balki elliktalik reyting jadvalida ham yagona ayol sportchi bo`lib turibdi. O`ntalikni futbolchilarning o`zlari yakunlab berishdi: Lilian Tyuram 6,1 mln. yevro, Uilyam Gallas 5,8 mln. yevro, David Trezege 5,7 mln. dollar va Uilli Sanyol 5,2 mln. yevro. Realinho,fcreal.ucoz.ru
|